Болните, затворениците и лицата во старските домови први гласаат на двојните избори
Во пресрет на двојните избори - вториот круг од претседателските и парламентарните избори (8 мај), денеска во земјава ќе гласаат болните и изнемоштени лица чии пријави биле прифатени од општинските изборни комисии. Гласаат и затворениците, лицата во притвор и во вонсемејни заедници, како и две раселени лица.
За вториот круг на претседателските и за парламентарните избори зголемен е бројот на пријавени болни и немоќни лица, кои денеска ќе бидат посетени од членовите на избирачките одбори за да гласаат во домашни услови.
Од Државната изборна комисија за МИА вчера изјавија дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Исто така, во 14 избирачки места во казнено-поправните установи за претседателските избори треба да гласаат 2.147 избирачи, додека за парламентарните во Избирачкиот список се запишани 2140 избирачи. Денеска гласаат и 534 избирачи згрижени во 20 установи за вонсемејно згрижување, а во Избирачкиот список запишани се и две внатрешно раселени лица.
Гласање во дијаспората ќе има само за вториот круг од претседателските избори на 31 гласачко место, а во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи.
Гласање за парламентарните избори во дијаспората нема да се спроведе бидејќи немаше доволен број пријавени наши државјани.
На 8 мај, на вториот круг од претседателските избори, право на глас имаат 1.814.317 избирачи, додека на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство.
Ново на Сител
-
Нетанјаху го обвини Ганц дека „му дал ултиматум на премиерот, наместо на Хамас"
-
Маск пристигна на Бали поради планираната достапност на интернет услугата Старлинк
-
Првата официјална посета во странство на претседателката Сиљановска Давкова во Ватикан и Рим
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна
-
ЦУК: Поплавени подруми и гаража во охридско од поројниот дожд
-
Путин одржа состанок за поплавите и пожарите во Русија
-
Украинското воздухопловство ги соборило сите 37 дронови лансирани од Русија