-->
-->
Еуробаскет 2015: Организаторите во Загреб очекуваат над 1.500 Македонци
-->
Македонските кошаркари веќе се во Загреб каде в сабота ќе го започнат својот петти настап на Европските првенства.
Селекцијата предводена од Марјан Србиновски попладнево од 16 часот и 30 минути ќе го одржи првиот тренинг во загрепска „Арена’’.
Според најавите сите дванаесетмина репрезентативци вклучувајќи го и рековалесцентниот Ричард Хендрикс се очекува да се „запознаат„ со арената.
Во Загреб, еден од петте градови домаќини на Европскиот шампионат се е подготвено за успешна организација на натпреварите од Ц групата, во која Македонија за противници редоследно ќе ги има Грција, Холанија, домаќинот Хрватска , Грузија и Словенија.
Во силната конкуренција „црвено-жолтите„ ќе имаат течка задача, но не и нѐ остварлива, да се вбројат меѓу четирите првопласирани, со што ќе обезбедат пласман во следната „нокаут„ рунда. Според, новиот формат на натпреварување „нокаут’’ фазата ќе старува со осминафиналето.
За утре, предвидени се два тренинга на нашите репрезентативци, пред саботното „отварање„ со нашиот Јужен сосед (Грција) во терминот од 18 часот.
За овој меч, според неофицијалните информации од локалниот организационен комитет (ЛОК), односно, според бројот на продадени влезници за трибината резервирана за „Фалангата’’ се очекуваа околу 1.500 македонски навивачи.
Сепак, ова бројка неможе да ја земете за конечна, бидејќи, знаеме дека ќе има и многу македонски навивачи кои живејат и работат не само во Загреб, туку и низ цела Хрватска, истакнуваат од ЛОК.
Останува да видиме, дали и овојпат „Фалангата’’ ќе ја „окупира„ Хрватска, и безрезервно ќе им даде поддршка на македонските кошаркари, во уште еден обид за врвен спортски резултат, но и достоинствено презентирање на државата.
Од Загреб, Игор Трпески
-->
-->
-->
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот