Филмот „Кружно патување на Марето“ награден на фестивал во Нингбо
Филмовите „Кружно патување на Марето“ на Жарко Иванов од Македонија и „Недопрени од Сонцето“ на Андро Мартиновиќ од Црна Гора се наградени на Фестивалот на кинематографиите на Централна и Источна Европа во Нингбо.
Интернационално жири составено од водечки личности од кинеската кинематографија и професори од неколку европски универзитети додели награди на осум филмови во разни категории и жанрови.
По успешните изданија во Париз и Берлин, фестивалот на кинематографиите на Централна и Источна Европа во Нингбо 2016 првпат се одржува во Кина, во организација на Универзитетот за аудиовизуелни уметности – Скопје и Музејот на уметностите на Нингбо. Објавени беа поголем број на информации во водечките кинески медиуми, а 50-тина филмови од 16 држави од регионот беа прикажани повеќе пати, во неколку кино сали во Нингбо.
Овој фестивал ќе биде традиционален и ќе се одржува секоја година во јуни, за време на самитот China-CEEC EXPO, што го организира кинеската влада со зејмите од Централна и Источна Европа.
Ново на Сител
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор
-
Лишен од слобода кавадарчанец кој му се заканувал на градоначалникот
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано
-
ЦУК: Пожарникари извлекувале човек паднат во река, вода од подруми, дворови, лифт