Излезе од печат третата стихозбирка „Отвори ги очите“ на Љупка Антеска
Третата стихозбирката на Љупка Антеска со наслов „Отвори ги очите“ деновиве излезе од печат. Во книгата на седумдесетина страници се поместени стихови во три циклуси: „Поезијо, остави ме“, „Љубов потпрена на патерици“ и „(Мо)ментални (за)белешки“.
– „Отвори ги очите“ е книга пожелна за читање, затоа што знае да ја одмери метафоричноста и асоцијативноста на исказот, кои одат по границите на алузивноста во еден контекст кој е доволно достапен и отворен за да се согледа и дискретниот предмет на алузиите и асоцијациите. Само треба, нели, да се отворат очите, како што сугестивно кажува и самиот наслов на книгата, кој пак е актуализација на еден фразеологизам или израз што го употребуваме често и во секојдневната говорна практика. Но, поместен во поетска констелација, овој израз добива едно посуптилно значење, повикувајќи на повисок сензибилитет (чувствителност) на визуелната, емотивната и менталната перцепција на читателот, пишува во освртот за книгата, академик Катица Ќулавкова, критичар, есеист, поет, раскажувач.
За новото дело, авторката вели дека станува збор за песни кои се гласни и храбри, а допираат теми како: отуѓеноста на човекот, парадоксите на модерното време, моќта на поезијата, болните загуби, но и малите радости во нашите животи, љубовта.
Книгата е во издание на Здружението за култура Слово 21. Планирано е да биде промовирана во декември.
Антеска живее и работи во Гостивар, како новинар. Автор е на стихозбирките: „Денодение“ (2012) и „Лек за времето“(2015).
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот