Љајиќ: Хрватската блокада нема никаква врска со заштитата на правата на малцинствата
Српскиот вицепремиер Расим Љајиќ денеска изјави дека хрватската блокада за отворање на поглавјето 26 во преговорите меѓу ЕУ и Србија нема врска со заштитата на правата на малцинствата, нагласувајќи дека тоа е чиста демонстрација на нејзината привилегирана положба како членка во Унијата.
Блокадата на Хрватска ќе има најмалку три штетни последици.
- Таа ќе нанесе огромни штети врз целокупните билатерални односи, а исто така ќе влијае и врз односот на јавноста и граѓаните кон ЕУ, бидејќи поради таквото условување ќе се зголеми бројот на лица кои се против пристапувањето кон ЕУ, наведе Љајиќ.
Според него, третата последица ќе се однесува на хрватското малцинство во Србија, кое, со ваков чекор, демек се заштитува. „Но, всушност на него му се нанесуваат најголеми штети, бидејќи во услови на остри односи меѓу двете земји, тешко дека може да се очекува да се подобрат правата на кое било малцинство“, нагласи Љајиќ, кој во 2004 година како министер за малцинства потпиша меѓународен договор за заштита на националните малцинства меѓу Србија и Хрватска.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска