Мандатот на Иванов истекува в недела, се уште не побарал буџет за идниот кабинет
Претседателот Ѓорге Иванов по десет години, в недала заминува од функцијата шеф на државата. Во претседателската „Вила Водно“ треба да се всели неговиот наследник Стево Пендаровски, кој по победата на изборите, ќе стане петти претседател на државата по нејзиното осамостојување во 1991 година.
Инаугурацијата на Пендаровски е најавена за в недела, на последниот ден од истекот на мандатот на Иванов.
На три дена пред заминувањето од функцијата нема официјална потврда што актуелниот претседател ќе прави по истекувањето на мандатот.
Засега тој не ја информира јавноста за идните професионални планови. Неговиот кабинет се интересирал кај Службата за општи и заеднички работи (СОЗР), колку изнесува годишниот буџет за поранешен претседател на државата.
Владиниот портпарол Бошњаковски денеска потврди дека до вчера нема доставено никакви барања од кабинетот на Иванов за неговите потреби по заминување од функцијата.
Според Законот за правата на претседателот и неговото семејство по престанок на функцијата, тој има право на пензија чиј износ е еднаков со износот на платата што ја прима претседателот на државата, има право на канцелариски простор и најмногу три соработници. Има и право на лично обезбедување, како и право на користење службено возило и возач.
Дел од медиумите ја отвораат и дилемата за поднесените барања за помилување на осудените за „27 април“. Освен потврдата дека барања се пристигнати, од кабинетот на претседателот не кажуваат како ќе постапи Иванов. Владини претставници и правни експерти сметаат дека евентуалното помилување би значело кршење на Уставот и злоупотреба на овластувањата.
Останува прашањето и за законите изгласани во Собранието што Иванов одбиваше да ги потпише. Новоизбраниот претседател Стево Пендаровски, кој треба да стапи на должност на 12 мај, најави дека прва задача како нов шеф на државата ќе му биде да ги потпише тие закони.
Ново на Сител
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница