Нетанјаху: Со тотална победа ќе му зададеме фатален удар на Хамас, но и на Иран
Израелскиот премиер Бенјамин Нетанјаху денеска изјави дека со „тоталната победа“ на израелската армија во Појасот Газа ќе ѝ биде зададен „фатален удар“ на палестинската исламистичка организација Хамас, но и на Иран и неговите сојузници.
„Апсолутна победа е од суштинско значење затоа што гарантира безбедност за Израел. Целосната победа ќе зададе фатален удар на оската на злото, а тоа се Иран, (либанскиот) Хезболах, (јеменските бунтовници од движењето Хути) и секако Хамас“, истакна Нетанјаху по средбата со претставниците на армијата.ж
Како што соопшти неговиот кабинет, Нетанјаху во Латрун, недалеку од Ерусалим, навел дека Израел е „на пат кон целосна победа“, дека е посветен на тоа и дека „нема да се откаже“.
„Нема да ја завршиме војната без да ја постигнеме целта за тотална победа, која ќе ја врати безбедноста и на југот и на северот“, порачал Нетанјаху.
Додал дека 75 отсто од баталјоните на Хамас се уништени, дека нема „замена за тотална победа“ и дека Израел ја уништува мрежата на тунели на Хамас.
Тој изјавил дека евакуираните Израелци нема да можат да се вратат во своите домови доколку Израел не ја постигне оваа цел и дека „ќе биде само прашање на време кога ќе следи уште еден масакр“.
Ново на Сител
-
Дефицит на лекари специјалисти, хроничен проблем на македонското здравство
-
Во земјава нема национален регистар на лица со аутизам
-
Преглед на вестите од светот
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред