Пациентите на домашно лекување со два негативни теста се сметаат за излекувани
За пациентите на домашно лекување важи истиот алгоритам како и за хоспитализираните, односно и тие треба да имаат два негативни теста за да се сметаат за излекувани, нагласи министерот за здравство Венко Филипче.
Одговарајќи на новинарски прашања на денешната прес-конференција, Филипче рече дека овие пациенти се во постојана комуникација со матичните лекари и оти како поминува периодот, согласно нивната здравствена состојба, ќе се прават тестовите.
– За секој пациент без разлика дали се наоѓа во домашни или во болнички услови важи истиот алгоритам да се направат два негативни теста. Значи, истото што важи за хоспитализираните пациенти, важи и за оние на домашно лекување. Согласно достапноста и местото на живеење, ќе се организираат брисевите за да се докаже дали овие пациенти се негативни или се уште се носители на вирусот, појасни Филипче.
За асматичарите апелираше за се што е потребно да се консултираат со матичните лекари, а во однос на тоа дали постои сличност меѓу симптомите на астма и коронавирусот, појасни дека има сериозна разлика меѓу двете болести односно оти за Ковид-19 карактеристична е фебрилната состојба и сувата кашлица. Сепак, повика на внимателност и да се користи можноста за консултација со матичниот лекар во кое било време.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект