Парична помош од општина Охрид за oпштина Гази Баба
Општина Охрид со 300 илјади денари ќе и помогне на oпштината Гази Баба на чија територија имаше најголеми штети од невремето што завчера вечерта го зафати скопскиот регион.
Одлуката ја донесе Комисијата за финансии при Советот на oпштина Охрид, а на барање на градоначалникот Никола Бакрачески, кој во име на граѓаните на Охрид изрази сочувство до семејствата на несреќно загинатите лица во елементарната непогода.
Како што се наведува во соопштението на oпштина Охрид, органите на локалната самоуправа изминатите два дена биле во постојана комуникација со надлежните во ресорните министерства и со градоначалникот на Град Скопје, при што е искажана подготвеност за пружање на неопходната помош со човечки и технички ресурси за справување со елементарната непогода.
Следствено на потребите и барањата од одговорните лица и служби, општина Охрид е подготвена да излезе во пресрет и да даде помош со своите целокупни капацитети, како и тие на охридските јавни претпријатија, стои во соопштенито од општина Охрид.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет