Партиите со различни ставови за исходот од денешната средба
По завршувањето на денешната средба на политичките партии потписници на договорот од Пржино, претставниците од ВМРО-ДПМНЕ и на ДУИ изјавија дека е постигнат благ напредок, но според СДСМ нема прогрес во преговарачкиот процес. На средбата присуствувале и амбасадорите на САД и на ЕУ Џес Бејли и Аиво Орав.
Се разговарало за прочистување на Избирачкиот список и за реформите во медиумите.
- Во однос на денешната средба, сметам дека има благо добилжување на ставовите, рече Никола Тодоров, претставник на ВМРО-ДПМНЕ.
Според ВМРО-ДПМНЕ, како што рече тој, е сосема непотребно 170.000 гласачи да се обележат со ѕвездичка како знак дека се од дијаспората, како и тие повеќе од 30.000 што ДИК ги најде за спорни да се избршат ако сами не се пријават на јавниот увид. Сепак во ВМРО-ДПМНЕ одлучиле да го прифатат барањето на СДСМ за да докажат дека неговата партија изборите ги добива со проектите и со довербата од граѓаните, а не со манипулации во Избирачкиот список.
- Околу медиумите, нашата партија има став дека ниту еден медиум и новинар не треба да биде казнет за напишан текст или прилог. Формирање на некое централно цензорско тело што ќе одлучува дали некој прилог е во ред е сосема непотребно. Не сакаме медиумите да бидат доведени во ситуација да се казнуваат и да пишуваат по порачки, рече Тодоров, кој потенцираше дека ВМРО-ДПМНЕ бара сериозно намалување на казните.
ВМРО-ДПМНЕ, според него, нема да дозволи парламентарните избори по третпат да бидат одложени, а партијата, како што кажа е секогаш подготвена за компромис.
- Треба да се осигураме дека сите услови за избори се исполнети и сите тоа јавно да го кажат, па потоа ќе договараме датум за избори, рече Тодоров.
Артан Груби од ДУИ е оптимист и се надева дека со конструктивен пристап наскоро ќе има договор. Во изјавата по средбата тој уште рече дека во врска со Избирачкиот список за неговата партија е битно да не се бришат гласачите со право на глас само за да се добијат политички поени.
– Гледам доближување на ставовите и предлозите се речиси достапни за сите. Се надевам дека со конструктивен пристап и со мали отстапки од партиите, конечно ќе постигнеме договор, рече Груби.
Претставниците на СДСМ и на ДПА, Рената Дескоска и Имер Алиу, како и двајцата амбасадори, Аиво Орав и Џес Бејли, не дадоа изјави за медиумите.
СДСМ објави соопштение во кое е наведено дека на денешната рунда преговори не е постигнат напредок.
- Владејачката коалиција не дозволува прочистување на Избирачкиот список и вистински реформи во медиумите. ВМРО-ДПМНЕ и Никола Груевски во континуитет бегаат од фер и демократски избори, се наведува во соопштението од СДСМ.
Ново на Сител
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница
-
Лидерите на „ВРЕДИ“ на средба со Албин Курти
-
Нетанјаху го обвини Ганц дека „му дал ултиматум на премиерот, наместо на Хамас"
-
Маск пристигна на Бали поради планираната достапност на интернет услугата Старлинк
-
Првата официјална посета во странство на претседателката Сиљановска Давкова во Ватикан и Рим
-
Каселакис до Мицотакис: Ако сметате дека Договорот од Преспа е предавнички, еве Ви шанса да го поништите, но нема да го сторите тоа
-
Приведен дилер во Битола за издржување затворска казна