Поранешната јужнокорејска претседателка обвинета за корупција
Поранешната претседателка на Јужна Кореја, Парк Геун-хе е обвинета денеска за корупција поради скандалот кој доведе до нејзина смена од функцијата, а со ваквите обвинувања и се заканува од 10 години до доживотна затворска казна, соопшти јужнокорејското обвинителство.
Парк, чија смена од претседателската функција ја потврди минатиот месец Врховниот суд на Јужна Кореја, сега се соочува со обвиненија за корупција, принуда, злоупотреба на власта и одавање на државни тајни, се наведува во соопштението.
Обвинителството покрена обвинение и против Шин Донг-Бин, директор на групата „Лоте“, петтиот најголем конгломерат во Јужна Кореја, а врз основа на фактот дека на Парк и нејзината советничка Чои Сун-сил им понудил поткуп од шест милиони долари во замена за добивање дозвола за отворање нов фри-шоп.
Парк е отповикана кон крајот на минатата година, а официјално претседателската функција и е одземена минатиот месец. Таа ќе остане во притвор се до почетокот на судскиот процес, кој се очекува во следните недели, а би можел да трае најмногу шест месеци.
Парк (65) е избрана за прва жена претседател на Јужна Кореја во 2012 година, а сега ќе биде изведена пред судија со лисици на рацете, врзана со јаже, а можеби и во затворска облека.
Ново на Сител
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата