Промоција на избраните дела од Бранко Цветковски
Избраните дела во 6 томови од книжевното творештво на познатиот македонски поет и литературен критичар Бранко Цветкоски денеска во 18 часот ќе бидат промовирани во Кавадарци.
Промоцијата е во организација на градоначалникот и Советот на општина Кавадарци и на Градската библиотека „Феткин“.
За вредностите и за развојните фази на поетското, есеистичкото и критичарсткото дело на Бранко Цветкоски ќе говори проф. д-р Илија Велев, а делови од книжевното творештво сместено во избраните дела на овој современ автор ќе интерпретира актерот Томе Витанов.
Неодамна по повод 60-годишнината од раѓањето на Цветкоски и 40-годишнината од неговото стартување во македонската литературна арена, во издание на „Макавеј“ од Скопје, се појави шестомен избор од неговото творештво: во првите два тома е селекцијата од неговата поезија, во третиот том е изборот од неговата обемна критичко-есеистичка актива посветена на македонските и на повеќе светски писатели, во четвртиот том за творештвото на Цветкоски се објавени 38 есеи и огледи од сите генарации македонски писатели и критичари, а во петтиот и шестиот том се презентирани поетски книги на Цветкоски објавени на 18 светски јазици.
Цветкоски е носител на врвни државни, книжевни и општествени награди во Република Македонија и на девет престижни меѓународни книжевни признанија и одликувања.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот