СДСМ: Во ВМРО-ДПМНЕ самите се фатија со рацете во медот, Мицкоски да не се крие
Почитувани граѓани, почитувани новинари,
Осум дена трае молкот на Христијан Мицкоски за неговата улога во спорниот тендер од 136 милиони евра.
Со денови слушаме меѓусебни обвинувања во ВМРО-ДПМНЕ за криминал, за раце во медот, и тоа за тендер тежок 136 милиони евра.
Надлежните институции веќе постапуваат по допрен глас и го чешлаат целиот случај.
Заклучокот е едноставен, во ВМРО-ДПМНЕ криминалната матрица не се менува.
Последните случувања само потврдуваат дека ВМРО-ДПМНЕ предводена од Мицкоски, не само што не е реформирана партија, туку е и дополнително криминализирана.
Граѓаните знаат дека, Златко Перински е поранешен шеф на кабинет на Мицкоски, пред да стане директор на Водовод.
Данела Арсовска пак беше кандидатка која Мицкоски ја промовираше, ВМРО-ДПМНЕ ја поддржа, и ги собра потписите, заедно се шетаа по митинзи и бараа поддршка од скопјани на изборите.
Токму Мицкоски ја пречека Арсовска пред Белата палата со зурли и тапани.
Мицкоски самиот се прогласи за шпицен градоначалник најавувајќи проект за 100 електрични автобуси во Скопје од партиска говорница.
И сето тоа само за да контролира бизниси, тендери и влијанија, само да ја задржи својата фотелја во белиот дворец.
Тоа е Мицкоски, секогаш ги гледал личните и интересите на одредени бизнис групи во ВМРО-ДПМНЕ, отколку интересите на граѓаните и државата.
Сега, фатени со рацете во медот, во ВМРО тендерска ДПМНЕ со лаги се обидуваат да се исперат, но не можат.
Наместо да се крие со денови, шпицниот градоначалник Мицкоски да излезе и да одговори на граѓаните:
Која е неговата улога во тендерот од 136 милиони евра?
За колку тегли мед пропадна бизнисот со електрични автобуси во Скопје?
Скопје, 21 септември 2022
СДСМ
Центар за комуникации со јавноста
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците