Варшава, Прага и Софија од полноќ го затворија воздушниот простор за руските авиокомпании
Полска, Чешка и Бугарија вчера соопштија дека од денеска го затвораат својот воздушен простор за руските авиокомпании како одговор на руската инвазија на Украина.
„Забраната ќе стапи на сила на полноќ“, соопшти портпаролот на полската Влада, Пјотр Милер на Твитер.
„Од полноќ го запираме сообраќајот на сите руски авиокомпании во чешкиот воздушен простор“, објави чешкиот министер за транспорт Мартин Купка на Твитер.
Слична забрана беше донесена и во Бугарија, а исто така стапи на сила на полноќ, како одговор на „ескалацијата на воениот конфликт и во знак на солидарност со Украина“.
Руските авиони „веќе не можат да навлегуваат во суверениот воздушен простор на Бугарија, вклучувајќи ја областа над територијалните води“, се наведува во соопштението на Министерството за транспорт.
Полската национална компанија ЛОТ од попладневните часови ги прекина летовите кон Москва и Санкт Петербург.
Обединетото Кралство уште завчера донесе слична одлука за руската компанија „Аерофлот“. Нејзиниот министер за транспорт, Грант Шапс, исто така синоќа соопшти за забраната со моментален ефект за сите руски приватни авиони.
Русија одговори со забрана на сите авиони поврзани со Обединетото кралство, вклучувајќи ги и оние во транзит.
Ново на Сител
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор