Во новото седиште на НАТО ќе бидат изложени остатоци од кулите-близначки во Њујорк
Американскиот претседател Доналд Трамп ќе го открие денеска во новото седиште на НАТО во Брисел споменикот, посветен на Членот 5 од Вашингтонскиот договор.
- Споменикот го сочинуваат остатоци од кулите-близначки, кои беа урнати при терористичкиот напад извршен од страна на Ал Каеда на 11 септември 2001 година во Њујорк, изјави генералниот секретар на НАТО, Јенс Столтенберг.
Тој додаде дека германската канцеларка Ангела Меркел, пак, ќе открие споменик со дел од Берлинскиот ѕид, како потсетник за улогата на Алијансата во мирното завршување на Студената војна.
Белгија денеска ќе му го предаде новиот објект на седиштето на НАТО, што е формална процедура околу изградбата на комплексот.
Столтенберг нагласи дека шефовите на држави или влади од членките на НАТО денеска ќе усвојат план за дејствување околу зајакнување на напорите во борбата против тероризмот.
- Ќе биде потврдена намерата за подготвување национални планови за извршување на задачите за трошоците за одбрана. Тоа е решителен момент за нашата безбедност, имаме потреба од силна Алијанса и цврста евроатлантска врска, истакна генералниот секретар на НАТО.
Ново на Сител
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави