Еурофарм Пелистер се засили со хрватскиот голман Филип Ивиќ
Ден откако договори соработка со македонскиот репрезентативен голман Никола Митревски, актуелниот шампион Еурофарм Пелистер соопшти попладнево дека ја засили голманската позиција и со искусниот 31-годишен Хрват, Филип Ивиќ.
„Ни претставува особено задоволство што повторно во дресот на Еурофарм Пелистер ќе игра хрватски репрезентативец. Голманот со големо интернационално искуство, Филип Ивиќ, е нов член на нашиот клуб“, се наведува во клупското соопштение.
Хрватскиот репрезентативен голман Ивиќ доаѓа во Битола како слободен ракометар од францускиот Шамбери, а со Еурофарм Пелистер потпиша договор на една плус една година.
Ивиќ, висок 195-сантиметри, кариера ја почна во Загреб, по што ги бранеше боите на полскиот Киелце, бундеслигашот Гумерсбах, словенечкиот Целје Пивоварна Лашко и на Шамбери. Ивиќ долги години го носи дресот на националниот тим и настапи и на последното Европско првенство во Германија.
Официјалното претставување на Ивиќ во Битола е предвидено на крајот на мај.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори