Филипче: Со новото зголемување, платите на специјалистите растат за 40, на медицинските сестри за 23 отсто
Докажавме дека Социјалдемократскиот сојуз води вистинска политика и грижа за пациентите и здравствените работници во Република Северна Македонија.
Како одговорна политичка партија, за две години како никогаш досега ги зголемивме платите во јавното здравство. Затоа што знаеме дека без мотивиран здравствен работник не може да имаме ни задоволни пациенти.
Од февруари 2020 година, за 25% ги зголемуваме платите на лекарите специјалисти, додека пак за 10% на медицинските сестри.
Тоа значи, дека заедно со сите зголемувања од минатата година, платата на лекарот специјалист е зголемена за 40%, а на медицинските сестри помеѓу 20 и 23%. Вкупното зголемување на општите лекари е 25% и 15% на сите здравствени соработници.
На прав пат сме, затоа што вложуваме во човечкиот капитал, вложуваме во луѓето, вложуваме во нашите здравствени работници.
За 11 години власт, ВМРО-ДПМНЕ освен тоа што го урниса здравствениот систем, максимално ги понижи и здравствените работници. Тие беа немотивирани за работа и немаа зголемувања на платите.
Сега, СДСМ носи вистински мерки во интерес на медицинскиот кадар, но и на пациентите.
Би сакал да истакнам дека за првпат оваа влада предводена од Социјалдемократскиот сојуз, приватните специјализанти се платени за својот труд во висина од просечна плата на општ лекар. А од оваа недела, 134 медицински сестри почнаа со шестмесечна работа во Службите за патронажна дејност низ целата држава.
Но, покрај тоа што водиме вистинска грижа за здравствените работници, го подобруваме и квалитетот на живот на сите граѓани.
За првпат лекот Спинраза го донесовме во нашата држава. Пациентите со спинална мускулна атрофија ја имаат потребната и неопходна терапија. Го подобривме животот на 7 дечиња.
На прав пат сме, затоа што за две години, воведовме 5 нови лекови за лицата со ретки болести. ВМРО-ДПМНЕ ги остави овие пациенти без потребната терапија.
Но, покрај зголемувањата на платите, вработува, воведувањето на нови лекови, ги подобруваме и условите во јавните-здравствени установи.
Продолжуваме и во наредниот период со подобрување на условите за работа на сите здравствени работници.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава